Sistem mata uroe

Sistem mata uroe

Gambaran umum sistem mata uroe (ukuran planet digambarkan cakab skala, sedangkan jaraknya tidak)
Umur	4,568 juta tahun
Lokasi	Awan Antarbintang Lokal, Gelembung Lokal, Lengan Orion–Cygnus, Bima Sakti
Massa sistem	1,0014 massa mata uroe

Sistem mata uroe nakeuh seunapat beunda langèt nyang teudöng nibak saboh bintang nyang geukheun mata uroe ngön ban dum objek nyang teuikat lé gaya gravitasi. Objek-objek nyan na lapan boh planet nyang ka geutupeue ngön orbit beuntuk elips, limong boh planet ubeut, 290 satelit alami nyang ka geutupeue, ngön meujuta beunda langet (meteor, asteroid, komet) nyang laén.

Sistem mata uroe geuweuek jeuet mata uroe, peuet planet blah dalam, sabôk asteroid, peuet planet blah luwa, dan bak blah paléng luwa nakeuh Sabôk Kuiper ngon piringan meusipreuek. Awan Oort geukira na bak wilayah paléng jeuôh nyang jeuôhjih na meu seuribèe go di luwa bagian nyang paléng luwa.

Meunurôt jeuôh nibak mata uroe, ban lapan boh planet lam sistem mata uroe nakeuh Merkurius (57,9 juta km), Venus (108 juta km), Bumoe (150 juta km), Mars (228 juta km), Jupiter (779 juta km), Saturnus (1.430 juta km), Uranus (2.880 juta km), ngön Neptunus (4.500 juta km). Peuet boh planet bagian dalam, nyakni Merkurius, Venus, Bumi, ngön Mars nakeuh planet bumoe nyang teupeugöt nibak batèe ngön lugam. Salang peuet boh planèt blah luwa nakeuh planet gôgasi nyang jeuôh leubèh rayek nibak planet bumoe. Dua boh planet paléng rayek, nyakni Jupiter ngön Saturnus nakeuh planet gôgasi gah nyang paléng le teupeugöt nibak hidrogen ngön helium. Dua boh planet nyang laén, Uranus ngön Neptunus, nakeuh planet gôgasi èh nyang teupeugöt nibak seunyawa ngön titék cayé leubèh manyang nibak hidrogen ngön helium, nyang geukheun seunyawa volatil hi ie, amonia, ngön metana.